VOV4.Êđê- Ti anăp klei dleh ksiêm dưi dlăng mơ̆ng klei ruă tưp Covid-19, êpul răng mgang knông lăn Kon Tum mâo klei mđĭ hĭn ênoh mnuih hlăm êpul čiăng gang dŭm čô mnuih găn knông lăn soh hŏng hdră bhiăn mơ̆ng 2 ala čar Lào lehanăn Campuchia. Tui hluê anăn mâo 8 kđông lĭng kahan knông lăn mơ̆ng čar Kon Tum dưi lŏ mđĭ ênoh mnuih thiăm 100 čô khua kahan, lĭng kahan mơ̆ng knơ̆ng bruă gĭt gai lĭng kahan čar Kon Tum, mkŏ mkra klei hriăm čiăng thâo săng kơ knông lăn, klei ruă tưp Covid-19 hlăm 2 ala čar Lào lehanăn Campuchia, mbĭt hŏng anăn lŏ hyuă kjăp dŭm bruă ngă, bruă klam mơ̆ng dŭm čô knuă druh, lĭng kahan mơ̆ng kơ̆ng bruă gĭt gai lĭng kahan hlăm dŭm hruê mmông dôk ti 8 kđông lĭng kahan knông lăn.

Lĭng kahan knông lăn Kon Tum brei thâo dŭm čô knuă druh, lĭng kahan ti êlan knông lăn mâo boh taih 292 km mbĭt hŏng Lào lehanăn Campuchia mâo nanao klei mđing uêñ, klei mđĭ ai lehanăn mnơ̆ng dhơ̆ng yua hlăm dŭm hruê mmông tui ngă 2 bruă sa blư̆ jing răng mgang klei êđăo ênang ti knông lăn lehanăn gang mkhư̆ klei ruă tưp Covid-19

Pô mblang: Y-Khem Niê