VOV4.Êđê - Ti să anôk taih kbưi Krông Knô, kdiêk Lăk, čar Dak Lak, êpul dŭm anôk bruă leh anăn dŭm knơ̆ng bruă mrâo mkŏ mjing hdră mtrŭt mjhar kơ mnuih ƀuôn sang, hâo hưn bruă ruah khua pô bi ala Quốc Hội gưl 15 leh anăn HĐND dŭm gưl wưng thŭn 2021-2026.

Tinei, êpul mâo klei mbha hră, hâo hưn, leh anăn mtô kơ mnuih ƀuôn sang kơ boh tŭn dưn, klei yuôm bhăn kơ bruă ruah khua, mkŏ mjing hră êlan klei khăp- klei suaih asei mlei kơ yang ƀuôn, nao mdrao amâo mă prăk kơ mnuih ƀuôn sang mâo klei hdĭp dleh dlan, khăt bŭk, khăt kkâo jơ̆ng kngan kơ phung hđeh knap mñai, mbha hră hâo hưn kơ klei ruă êngoh bi ƀlĕ êrah, klei ruă tiê B. Mtô mjuăt, leh anăn kah mbha klei thâo hlăm bruă mpla mjing ana kphê, pla ana rông hluăt kơ 150 boh gŏ sang hlăm alŭ wăl. Mđŭp brei 10 boh êdeh wai jơ̆ng hŏng ênoh 15 êklăk prăk kơ 10 čô hđeh sang hră mnuih djuê ƀiă knap mñai leh anăn mâo klei gĭr hlăm klei hriăm hră mơar.

Y Khem pô mblang