VOV4.Êđê- Tlam hruê 23/3, ti ƀuôn prŏng Đà Lạt, Khua gĭt gai mơ̆ng 10 Êpul hgŭm phung mniê hlăm Anôk bi lông dŭm čar ktuê hang ksĭ kwar Krah leh anăn Lăn Dap Kngư nao hlăm klei bi kƀĭn ngă klei kuôl kă bi lông thŭn 2021. Mta phŭn hluê ngă bruă ngă mbĭt mơ̆ng Êpul bruă bi tŭ ư ngă klei kuôl kă bi lông thŭn 2021, jing mkŏ mjing dŭm bruă kkuh drông klei bi kƀĭn phung bi ala mniê dŭm gưl mguôp hŏng klei bi hdơr hruê mkŏ mjing Êpul hgŭm phung mniê Việt Nam leh anăn hruê phung mniê Việt Nam, hruê gŏ sang Việt Nam, mlan ngă bruă ala čar gang mkhư̆ klei bi čăm biêng hlăm gŏ sang thŭn 2021. Êpul hgŭm phung mniê dŭm čar ktuê hang ksĭ kwar Krah leh anăn Lăn Dap Kngư mđĭ lar ai ktang, bi hgŭm, mkŏ mjing, pŏk ngă tŭ dưn mta phŭn ƀuăn rơ̆ng ti anôk bruă, alŭ wăl leh anăn dŭm bruă bi lông ktưn mbĭt mơ̆ng Êpul bruă, đru mkŏ mjing Êpul hgŭm phung mniê Việt Nam ƀrư̆ hruê ƀrư̆ kjăp ktang.

Pô mblang: H’Zawut Ƀuôn Yă