VOV4.Êđê- Êpul kiă kriê bruă Đảng mâo asăp mtă čiăng lŏ mđĭ bruă mdrơ̆ng leh anăn gang mkhư̆ klei ruă tưp Covid-19. Tui hluê anăn, êpul kiă kriê bruă Đảng iêu mthưr kơ dŭm gưl bruă Đảng, êpul êya hlăm Đảng, bruă sang čư̆ êa, mặt trận čar kwar hŏng dŭm êpul êya dŭm gưl kñăm hlăm klei gĭt gai, ktrâo êlan lehanăn tui ngă 6 bruă klam phŭn. Mkŏ mjing leh anăn ngă djŏ dŭm klei mtrŭn mơ̆ng êpul bruă Đảng, khua knŭk kna, dhar bruă gĭt gai ala čar bruă gang mkhư̆ klei ruă Covid-19 leh anăn klei mtă mơ̆ng phŭn bruă mdrao mgŭn. Amâo mâo klei ngă ngơi mang, luič klei răng hlăm bruă gang mkhư̆ klei ruă tưp, boh nĭk hlăm dŭm hruê mdei knăm 30/4, 01/5 ăt msĕ si dŭm hruê čiăng mprăp kơ klei ruah khua pô bi ala Quốc Hội gưl 15 leh anăn HĐND dŭm gưl wưng thŭn 2021-2026. Mđĭ klei ksiêm dlăng ti dŭm anôk hlăm knông lăn, ƀăng jang knông lăn, kdrŭn hô̆ pui. Tui ngă kluôm ênŭm dŭm hdră êlan gang mkhư̆ klei ruă tưp, mâo klei bi kmhal dŭm êpul êya, mnuih ngă soh hŏng hdră êlan gang mkhư̆ klei ruă tưp. Mâo klei gĭt gai mjêč čiăng mtrŭt mjhar bruă hâo hưn, čiăng mđĭ klei thâo săng kơ mnuih ƀuôn sang hlăm dŭm hdră êlan mdrơ̆ng leh anăn gang mhkư̆ klei ruă Covid-19.

Pô mblang: Y-Khem Niê