VOV4.Êđê- Hruê mbruê 14/5, Ông Bùi Văn Cường, khua bruă Đảng gưl dlông, khua kiă kriê adŭ bruă Quốc Hội, khua bruă čih hră mơ̆ng Quốc Hội jing khua êpul êpul ksiêm dlăng bruă ruah khua mơ̆ng dhar bruă rua khua ala čar mâo hruê mă bruă hŏng bruă Đảng čar Gia Lai, Kom Tum kơ bruă mkŏ mjing dŭm bruă mprăp kơ bruă ruah khua ngă Pô bi ala Quốc Hội gưl 15 lehanăn HĐND dŭm gưl wưng thŭn 2021-2026.

Ti čar Gia Lai, truh kơ ară anei, čar Gia Lai mâo leh 17 klei bi tuôm phung mplĕ hră hŏng dŭm čô mgơ̆ng asei ngă Pô bi ala Quốc Hội gưl 15 lehanăn 155 anôk bi tuôm phung mplĕ hră hŏng dŭm čô mgơ̆ng asei ngă pô bi ala HĐND čar wưng thŭn 2021-2026. Anôk anei jing anôk mâo lu mnuih djuê ƀiă, dhar bruă ruah khua dŭm gưl mơ̆ng čar Gia Lai mâo leh klei kñăm hlăm bruă hâo hưn truh kơ dŭm gưl mnuih ƀuôn sang, ngă djŏ hdră êlan gang mkhư̆ klei ruă tưp Covid-19, rơ̆ng kơ klei êđăp ênang hlăm hruê ruah khua.

Ti čar Kon Tum, dhar bruă ruah khua čar mâo klei ngă jăk, djŏ hruê mmông kơ dŭm boh phŭn hlăm bruă ruah khua msĕ hŏng klei mtô mơ̆ng gưl dlông lehanăn hdră bhiăn. Bùi Văn Cường mñă klă, dŭm čar ti krĭng dưr Lăn Dap Kngư čiăng lŏ ngă klei mtô hriăm, bi mbha bruă knuă kơ dm êpul êya ngă bruă ruah khua lehanăn êpukl mprăp, mgaih msir dŭm klei lŏ mâo.

Pô mblang: Y-Khem Niê