VOV4.Êđê- Tlam hruê 26-4, Êpul mă bruă mơ̆ng Dhar bruă mặt trận čar kwar Việt Nam mâo aduôn Trương Thị Ngọc Ánh - K’iăng Khua Dhar bruă mặt trận čar kwar Việt Nam ngă Khua êpul nao ksiêm dlăng bruă ruah khua phung bi ala Quốc hội gưl XV leh anăn phung bi ala HĐND dŭm gưl wưng thŭn 2021-2026 ti čar Bạc Liêu. Yap truh aguah anei,  Dhar bruă ruah khau dŭm gưl hlăm čar bi mklă leh anăn hưn mdah ênoh anôk ruah khua kluôm čar mâo êbeh 611 êbâo 7 êtuh čô, ênoh krĭng wăl mplĕ jră ruah phung bi ala Quốc hội gưl XV leh anăn bi ala HĐND dŭm gưl wưng thŭn 2021-2026 mâo 551 krĭng wăl… Blŭ hrăm hlăm mmông mă bruă, aduôn Trương Thị Ngọc Ánh- K’iăng khua Dhar bruă mặt trận čar kwar Việt Nam mtă: Mơ̆ng ară anei truh hruê ruah khua, Bạc Liêu lŏ dơ̆ng mđĭ ktang bruă hâo hưn mtô mblang čiăng kơ mnuih ƀuôn sang thâo săng êlam, djăp ênŭm kơ klei dưi, bruă klam phung bi ala, klei yuôm bhăn mơ̆ng klei ruah khua.

Pô mblang: H’Zawut Ƀuôn Yă