VOV4.Êđê - Aguah mbrue (19/5) ƀri bi hdơr 131 thŭn hrue kkiêng khua gĭt gai Hồ Chí Minh, êpul ngă bruă êdam êra gưl dlông bi mguôp hŏng bruă êdam êra čar Trà Vinh mkŏ mjing leh klei nao čuh brui mngưi bi hdơr ti knưng Khua gĭt gai Hồ Chí Minh hlăm să Long Đức, ƀuôn prŏng Trà Vinh. Trà Vinh mâo êbeh 47 êbâo čô đoanf viên hlăk ai, găn 5 thŭn mkŏ mjing lehanăn tui hriăm asăp mtrŭn mrô 05 mơ̆ng phŭnbruă kđi čar kơ “Bruă mđĭ hĭn klei tui hriăm, lehanăn hlue ngă knhuah mngač Hồ Chí Minh” mjing leh klei bi mlih prŏng hlăm klei mĭn, ai tiê êpul knuă druh hlăk ai. Lehanăn bruă đoàn djăp gưl hlăm čar ba anăp hlăm bruă tui hriăm lehanăn hlue ngă knhuah mngač Hồ Chí Minh, mbĭt hŏng bruă mghaih msir djăp mta klei ktrŏ hlăm alŭ wăl, đru hlămbruă mđĭ kyar duh mkra ala ƀuôn, mkŏ mjing Đảng, jih jang bruă kđi čar knư̆ hrue kjăp ktang, doh mngač. Ƀri wưng anei Êpul bruă êdam êra gưl dlông lehanăn čar Trà Vinh mkŏ mjing pla 20 phŭn kyâo mtah hlăm wăl knhuah gru sang yang./.

Y Khem pô mblang