VOV4.Êđê - Dhar bruă mặt trận čar Gia Lai mrâo mkŏ mjing leh klei bi kƀĭn phung khua êmua tal 3 čiăng mkŏ mjiing hră anăn dŭm čô ênŭm hnơ̆ng čuăn mgơ̆ng asei ngă pô bi ala Quốc Hội gưl 15 leh anăn HĐND dŭm gưl wưng thŭn 2021-2026. Hlăm klei bi trông, leh klei bi trông mâo 100% phung bi ala tŭ ư hră anăn kơ 10 čô pô mgơ̆ng asei ngă pô bi ala Quốc Hội gưl 15. 

Mkă hŏng klei bi kƀĭn phung khua êmua tal 2, tal anei mâo 3 čô akâo kdŭn hlăm anăn phung mgơ̆ng asei ngă pô bi ala Quốc Hội gưl 15. Klei bi kƀĭn phung khua êmua gưl 3 bi klă leh hră anăn 119 čô mnuih mgơ̆ng asei ngă pô bi ala HĐND čar GiaLai gưl 12 wưng thŭn 2021-2026. Leh klei bi kƀĭn phung khua êmua tal 3, knơ̆ng bruă ruah khua čar Gia lai bi klă 14 čô mnuih mgơ̆ng asei ngă pô bi ala Quốc Hội gưl 15 (hlăm anăn bruă gưl dlông hưn brei mâo 4 čô, alŭ wăl hưn brei 10 čô). mkŏ mjing 21 êpul ruah khua čiăng čuăn ruah 71/119 čô jing pô bi ala HĐND dŭm gưl wưng thŭn 2021-2026 hŏng dŭm hdră êlan, bruă ngă klă mngač.

Y Khem Niê pô mblang