VOV4.Êđê- Hruê 4/4 mbruê, 50 čô knuă druh bruă mdrao mgŭn ti sang êa drao jing jai dŏng mdrao mnuih ruă Covid 19 čar Gia Lai hluê ngă leh hdră bi ktlah 14 hruê, lŏ wĭt kơ dŭm êpul êya. anôk bruă lŏ hluê ngă bruă pô. Mbĭt anăn, anôk bruă sang čư̆ êa čar Gia Lai mklă mklơ̆ng bi kruh Sang êa drao jing jai dŏng mdrao mnuih ruă Covid 19. Hluê si klei bi mklă mơ̆ng anôk bruă sang čư̆ êa čar Gia Lai, Sang êa drao jing jai Gia Lai srăng bi kruh mơ̆ng hruê anei, hruê 5/4.

Hlăm wưng ngă bruă, mbĭt hŏng klei đru mŏng Sang êa drao Chợ Rẫy (ƀuôn prŏng Hồ Chí Minh) lehanăn Knơ̆ng ksiêm dlăng kman klei ruă tưp krĭng Lăn dap kngư, sang êa drao ngă leh bruă klam hŏng mdrao kơ 27 čô ruă hlăm čar. Snăn, truh kơ ară anei, phung knuă druh knhal tuič nao hlăm hdră mdrơ̆ng hŏng klei ruă Covid 19 ti Gia Lai ruê̆ leh bruă klam, lŏ wĭt hŏng hdră mă bruă./.

                                                    Pô mblang: H’Nêč Êñuôl