VOV4.Êđê -  Adiê mđiă ktang hlăm dŭm hruê êgao ngă leh dŭm pluh êbâo ha dliê ti čar Gia Lai dôk tlă anăp huĭ srăng mâo klei pui ƀơ̆ng dliê. Čiăng pral mâo hdră gang mkhư̆ klei pui ƀơ̆ng dliê, alŭ wăl čih mkra leh hdră kčah mbĭt anăn pŏk ngă mđrăm mbĭt lu hdră msir kñăm mdrơ̆ng hŏng djăp klei huĭ mâo. Anôk kriê dlăng dliê akŏ êa Ia Ly dôk kriê dlăng êbeh 12.500 ha dliê.

Mơ̆ng akŏ yan bhang, êpul êya tiŏ nao leh knuă druh, mnuih mă bruă hiu suang dlăng, pral mkŏ mkra hdră 4 tinăn mtam, mbĭt anăn mkŏ mjing dŭm êpul gang mkhư̆ klei pui ƀơ̆ng dliê truh kơ êtuh čô. Êpul êya ăt pŏk lu hdră msir, msĕ si čuh rơ̆k rung mâo klei ksiêm dlăng kjăp, kñăm gang mkhư̆ klei pui ƀơ̆ng dliê./.

H Nêč pô mblang