VOV4.Êđê - Ti anôk bi kƀĭn HĐND čar Gia Lai gưl 11 mrâo êgao tŭ mă mă 20 êklai prăk mơ̆ng phŭn mkăp prăk čar duh bi liê rŭ mkra anôk bruă nah gŭ hlăm Wăl knhuah gru Tây Sơn Thượng Đạo (ti wăl krah An Khê). Hluê anăn, mta kñăm duh bi liê mơ̆ng hdră bruă jing kriê pioh lehanăn mđĭ lar dŭm boh tŭ yuôm hƀuê ênuk – dhar kreh, amâo lui wăl anôk anei jhat rai, mâo arăng ksĭng mmiă amâo dah bi rai; mkŏ mkra dŭm anôk bruă nah gŭ ti wăl anôk anei čiăng kơ wăl anôk anei jing anôk kriê pioh, bi mjĕ mjuk dhar kreh mơ̆ng mnuih djuê ana ƀiă hlăm krĭng anei, mbĭt anăn bi hgŭm ngă bruă mkăp kơ hdră hiu čhưn ênguê, mjing klei găl kơ bruă hiu čhưn ênguê, bruă djuê ana mơ̆ng đưm. Hdră duh bi liê mâo mkŏ mkra anôk bruă êlan klông nao mŭt hlăm wăl hiu čhưn ênguê lehanăn kdrăp đoh mđuê̆ êa. Hdră duh bi liê hluê ngă hdră anei srăng dưi pŏk ngă lehanăn tĭng bi leh hlăm thŭn 2021 anei mtam./.

H Nêč pô mblang