VOV4.Êđê- Aguah mbruê 15-3, Anôk bruă klei êđăp ênang hlăm êlan klông čar Gia Lai mkŏ mjing Knăm pŏk ngă gưl hâo hưn mtô mblang hdră bhiăn leh anăn hiu ksiêm dlăng đŭ bi kmhal klei ngă soh hlăm êlan klông hlăm phung êdam êra mnuih djuê ƀiă kñăm bi hrŏ klei bi drăm hlăm êlan klông hlăm krĭng mnuih djuê ƀiă ti čar.

Hluê si Anôk bruă klei êđăp ênang hlăm êlan klông čar Gia Lai, knŏng hlăm 2 mlan akŏ thŭn anei, ti čar mâo 56 klei bi drăm hlăm êlan klông kjham êdi, ngă 46 čô mnuih djiê leh anăn dŭm pluh čô mkă êka. Êbeh mkrah wah ênoh djŏ tuôm kơ phung êdam êra mnuih djuê ƀiă. Gưl hâo hưn mtô mblang hdră bhiăn leh anăn hiu ksiêm dlăng đŭ bi kmhal klei ngă soh hlăm êlan klông hlăm phung êdam êra mnuih djuê ƀiă mâo hdră kñăm mđĭ klei tŭ hluê ngă hdră bhiăn rơ̆ng êđăp ênang hlăm êlan klông ti krĭng ƀuôn sang, krĭng mnuih djuê ƀiă, boh nik dŭm ktuê êlan dơ̆ng prŏng ala čar găn.

Pô mblang: Y-Khem Niê