VOV4.Êđê -  Hlăm wưng êgao, dŭm alŭ wăl ktuê êlan knông lăn mơ̆ng čar Gia Lai dôk mđĭ hdră mtô mblang čiăng kơ mnuih ƀuôn sang thâo săng lehanăn mđĭ lar klei dưi, bruă klam mơ̆ng pô hlăm hdră ruah pô bi ala Quốc hôị gưl XV lehanăn bi ala HĐND dŭm gưl wưng thŭn 2021 – 2026. Ti kdriêk Čư̆ Prŏng, bruă mtô mblang kơ hdră ruah khua dưi mkŏ mjing hŏng 2 klei blŭ. Klei Yuăn lehanăn Jarai hluê hŏng kdrăp loa kčaĭ asăp să. Hŏng alŭ wăl mâo ƀiă mnuih ƀuôn sang dôk, dưi pŏk ngă hiu mtô mblang truh kơ grăp boh sang. Ti kdriêk Đức Cơ, hdră mtô mblang mâo să pŏk ngă hŏng lu hdră, să mkŏ mjing leh Êpul mtô mblang. Grăp hruê kăm, mnuih hgŭm hlăm êpul mâo bruă klam čih mkra hdră hâo hưn, mtô mblang kơ hdră ruah khua čiăng mđung asăp ti kdrăp loa bi kčaĭ asăp mơ̆ng să, đru kơ mnuih ƀuôn sang thâo săng klă hnơ̆ng čuăn pô mgơ̆ng ruah ăt msĕ mơh wưng lehanăn hdră mkŏ mjing klei ruah khua./.

H Nêč pô mblang