VOV4.Êđê - Ti anăp klei dưi dleh ksiêm dlăng mơ̆ng klei ruă tưp Covid-19 hlăm ala čar, ƀuôn prŏng Pleiku, čar Gia Lai mâo leh hră mtrŭn mtă kơ dŭm knơ̆ng bruă mtô mjuăt hđeh điêt brei hđeh mdei sang hră čiăng gang mkhư̆ klei ruă tưp Covid-19. Mbĭt hŏng anăn, bruă sang čư̆ êa čar Gia Lai ăt lŏ mâo hră mtrŭn mjêč kơ dhar bruă sang hră mơar srang ngă mjêč bruă bi leh klei hriăm hră hlăm thŭn êlâo kơ hruê 16/5.

Hŏng čar Gia Lai, bruă sang čư̆ êa čar mâo leh hdră mtrŭn mjêč truh kơ knơ̆ng bruă sang hră mơar srăng gĭt gai kơ dŭm anôk sang hră srane brei hđeh sang hră mdei êlâo kơ hruê 16/5 čiăng gang mhkư̆ klei ruă tưp Covid-19. Dŭm boh sang hră hlăm čar ăt hmao mă leh klei mtrŭn anei lehanăn srăng ngă klei bi ruê̆ klei hriăm hnưm čiăng gang mkhư̆ klei ruă tưp Covid-19, dôk ngă mjêč klei bi lông gưl tal 2 lehanăn mtrŭt mjhar bruă ksiêm wĭt klei hriăm hŏng êlan trực tuyến kơ hđeh sang hră hriăm jih leh gưl 3.