VOV4.Êđê - Čar Gia Lai mđĭ leh hdră mtô mblang kơ gưl ruah pô bi ala Quốc hội gưl XV lehanăn bi ala HĐND dŭm gưl wưng thŭn 2021 – 2026 hlăm krĭng mnuih ƀuôn sang djuê ƀiă hŏng lu hdră djŏ guôp hŏng dhar kreh grăp krĭng, grăp djuê ana. Hluê anăn, čar Gia Lai jao leh kơ anôk thơ̆ng kơ bruă čih mkra dŭm mta phŭn djŏ guôp, klă sĭt, ênưih thâo săng mbĭt anăn mblang hŏng 2 klei blŭ: Klei Yuăn lehanăn Klei Jarai čiăng kơ mnuih ƀuôn sang ênưih thâo săng, ênưih hluê ngă. Mta phŭn mtô mblang kƀĭn kơ mta kñăm, boh tŭ yuôm hlăm hdră ruah khua, dŭm klei hưn djŏ tuôm kơ Hdră bhiăn phŭn thŭn 2013; Hdră bhiăn ruah pô bi ala Quốc hội lehanăn ruah pô bi ala HĐND, dŭm hră m’ar ktrâo lač kơ hdră ruah khua mơ̆ng knŭk kna, mơ̆ng Dhar bruă Quốc hôị lehanăn Êpul hgŭm ruah khua ala čar. Čiăng kơ hdră mtô mblang klă sĭt ba wĭt klei tŭ dưn, Dhar bruă ruah khua dŭm gưl ti čar Gia Lai iêu mtrŭt leh phung khua mduôn, mnuih mâo k’hưm hlăm ƀuôn sang nao hgŭm hlăm hdră mtô mblang./.

H Nêč pô mblang