VOV4.Êđê -  24 hruê êgao, dŭm êpul êya, mnuih mă bruă hlăm Anôk bruă kahan ksiêm čar Gia Lai ngă leh hră m’ar mkăp hră kak asei dưm chip điện tử kơ êbeh 120 êbâo čô mnuih ƀuôn sang. Mbĭt anăn, êpul kahan ksieme mâo lu klei gĭr hlăm bruă mtô mblang, mđĭ hnơ̆ng tŭ jăk hdră ngă bruă.

Truh jih hruê 24/3, mbĭt hŏng bruă ba yua 29 boh maĭ mâo Phŭn bruă kahan ksiêm mkăp, 18 êpul êya ngă bruă mŏng Anôk bruă kahan ksiêm čar Gia Lai ngă leh hră m’ar mkăp hră kak asei dưm chip điện tử kơ êbeh 120 êbâo čô mnuih ƀuôn sang. Hlăm sa hruê, êpul êya mkăp lu êdi mâo 338 pŏk hră kak ase/1maĭ/1 hruê, kdlưn hĭn mkă hŏng hdră kčah 38 pŏk hră kak ase/1maĭ/1 hruê. Hlăm anăn, kahan ksiêm dŭm kdriêk Čư̆ Pah, Čư̆ Sê, Kbang, Krông Pa, Phú Thiện, Ia Pa, Mang Yang…jing dŭm êpul êya mâo mkăp hră kak lu hĭn êdi./.

H Nêč pô mblang