VOV4.Êđê - Anôk bruă gĭt gai gang mkhư̆ klei ruă Covid-19 čar Gia Lai mkŏ mjing klei bi kƀĭn trực tuyến hŏng Anôk bruă gĭt gai dŭm kdriêk, wăl krah, ƀuôn prŏng lŏ dơ̆ng pŏk ngă bruă gang mkhư̆ klei ruă tưp, rơ̆ng êđăp ênang klei ruah khua phung bi ala Quốc hội gưl XV leh anăn HĐND dŭm gưl wưng thŭn 2021-2026. Hlăm klei bi kƀĭn, Anôk bruă gĭt gai hâo hưn leh anăn ktrâo lač kơ hdră gang mkhư̆ klei ruă tưp Covid-19 leh anăn rơ̆ng klei ruah khua êđăp ênang. Blŭ hrăm klah čŭn klei bi kƀĭn, Knơ̆ng bruă sang čư̆ êa čar mtă kơ dŭm dhar bruă, alŭ wăl brei mâo hdră sa anăn hlăm hdră gang mkhư̆ klei ruă tưp, rơ̆ng kdrăp mnơ̆ng, boh nok kdrăp răng mgang kơ êpul ngă bruă klam. Knơ̆ng bruă sang čư̆ êa čar mtă brei bi tŭ ư hdră mdrao mgŭn msir mgaih hră mplĕ doh, bi tŭ ư hdră rơ̆ng gang mkhư̆ klei ruă Covid-19 hlăm klei ruah khua.

H Zawut pô mblang