VOV4.Êđê- Knơ̆ng bruă ba pui kmlă ala čar leh anăn Anôk bruă kriê dlăng Hdră bruă dŭm hdră bruă pui kmlă kwar Krah mkŏ êlan klei pui kmlă 500 kV Dốc Sỏi – Pleiku 2 găn čar Gia lai. Hdră bruă êlan klei pui kmlă 500 kV leh mtrŭn aruăt mtlâo Dốc Sỏi – Pleiku 2, găn Gia Lai mâo boh dlông êbeh 41 km, găn 3 alŭ wăl jing kdriêk Čư̆ Păh, kdriêk Ia Grai leh anăn ƀuôn prŏng Pleiku, hŏng 99 anôk gơ̆ng pui kmlă. Čiăng rơ̆ng bruă mkŏ mjing êđăp ênang, Knơ̆ng bruă pui kmlă Gia Lai srăng khăt pui kmlă êlan klei 110 KV mơ̆ng anôk mđĭ mtrŭn pui kmlă 500 kV Pleiku găn anôk mđĭ mtrŭn 110 kV Diên Hồng hlăm wưng anei. Knơ̆ng bruă pui kmlă Gia Lai brei thâo, anôk bruă pŏk ngă hdră mkăp pui kmlă kơ êbeh 200 gŏ êsei mnuih ƀuôn sang ti 9 kdriêk hmaĭ. Êlan klei pui kmlă 500 kV leh mtrŭn mtlâo Dốc Sỏi – Pleiku 2 jing hdră bruă phŭn kñăm mđĭ ktang klei dưi ba pui kmlă ala čar. Mĭn tĭng, hruê 31/3, hdră bruă srăng dưi bi leh.

Pô mblang: H’Zawut Ƀuôn Yă