VOV4.Êđê- Hlăm gưl mdei hruê 30-4 leh anăn 1-5 mrâo êgao, dŭm anôk bruă, alŭ wăl ti čar Gia  Lai hluê ngă hdră kčah kơ bruă amâo mkŏ mjing ôh dŭm klei hlăp mbul, bruă bi kƀĭb lu mnuih, hluê ngă dŭm klei kčah mtrŭn kơ bruă gang mkhư̆ klei ruă Covid-19. Ênoh tuê hiu čhưn ti čar hlăm gưl mdei đaŏ tĭng mâo 23 êbâo 370 gưl, đĭ 2,9 blư̆ mkă hŏng thŭn 2020, ênoh prăk hrui wĭt đaŏ tĭng mâo 4 êklai 5 êtuh êklăk prăk, đĭ 4 blư̆ mkă hŏng wưng anei thŭn 2020. Bruă mnia blei ti dŭm sang jưh 1-4 mtŭ, wăl mdei msăn ngă bruă mâo 90-100%. Phung tuê hriê ti čar lu phung mơ̆ng ƀuôn prŏng Hồ Chí Minh, Hà Nội, Đà Nẵng, Bình Định, Dak Lak, Bình Dương. Ênoh tuê dôk jưh ti dŭm sang jưh mâo hlăm brô 4 êbâo gưl, đĭ 2,9 blŭ mkă hŏng ưng anei thŭn 2020. Dŭm knơ̆ng bruă hiu čhưn ênguê ba hlăm brô 140 gưl tuê hiu chưn.

Pô mblang: H’Zawut Ƀuôn Yă