VOV4.Êđê- Knơ̆ng bruă sang čư̆ êa čar Gialai mkŏ mjing leh klei bi kƀĭn bi klă bruă klam kơ pô păn akŏ djăp anôk bruă êpul êya hlăm klei hlue ngă dŭm bruă čuăn, lehanăn klei bhiăn ngă bruă ti knơ̆ng bruă sang čư̆ êa čar. Hlăm 5 thŭn êgao, dŭm anôk bruă, êpul êya hlăm čar mâo ngă leh jăk bruă čuăn, klei bhiăn ngă bruă hlăm knơ̆ng bruă sang čư̆ êa čar wưng păn bruă 2016 - 2021, hŏng klei ngă bruă "Hyuă kjăp klei bhiăn mă bruă, mđĭ hĭng bruă klam mơ̆ng pô djă akŏ, mđĭ klei thâo kčĕ, bi hgŭm hŏng dŭm gưl, dhar bruă". Klah čŭn ti anôk bi kƀĭn, Khua knơ̆ng bruă sang čar êa čar Gialai Võ Ngọc Thành mtă kơ pô djă akŏ grăp anôk bruă, êpul êya mđĭ hĭn klei thâo săng mâo bruă đua klam êjai ngă bruă djŏ hŏng asăp mtrŭn mrô 01 mơ̆ng khua knơ̆ng bruă sang čar êa čar lehanăn klei bhiăn ngă bruă mơ̆ng knơ̆ng bruă sang čư̆ êa čar, lŏ wĭt ksiêm dlăng klei bhiăn ngă bruă hlăm grăp knơ̆ng dhar bruă. Dơ̆ng mơ̆ng anôk bruă êpul êya bi mâo bruă jao klă mngač bruă čuăn, snăn pô djă akŏ brei păn kjăp, thâo kluôm ênŭm jih jang knơ̆ng dhar bruă hlăm alŭ wăl pô klam./.

Pô mblang: Y-Khem Niê