VOV4.Êđê - Hlăm bruă ngă cách mạng mơ̆ng pô, Khua gĭt gai Hồ Chí Minh pioh leh lu gru kruăk knăl hŏng phung mă bruă leh anăn Hruê phung mă bruă dlông rŏng lăn 1/5. Hlăm hdră duah êlan mtlaih êngiê ala čar, hruê 1/5/1920, Nguyễn Ái Quốc nao hlăm knăm mĭt tinh bi hdơr Hruê mă bruă dlông rŏng lăn mbĭt hŏng Êpul đảng viên yang ƀuôn Prăng leh anăn klei ksiêm hriăm hlăm klei bi kƀĭn brei mdei ba mnuih hlăm lăn ala dôk kiă kriê. Hruê 1/5/1924, hluê si klei iêu jak mơ̆ng Bruă Đảng ƀuôn prŏng Moscow leh anăn Anôk bruă gĭt gai mơ̆ng Quốc tế cộng sản, Nguyễn Ái Quốc nao leh anăn blŭ hrăm hlăm klei mĭt ting bi hdơr Hruê mnuih mă bruă dlông rŏng lăn 1/5.

Leh hrue kgŭ krŭ kdơ̆ng mlan 8 mâo klei tŭ jing, ala čar drei mâo klei hnŭk êngiê, hrue 18/2/1946, Khua gĭt gai Hồ Chí Minh mâo leh klei bi klă asăp mtrŭn kơ dŭm hrue mdei Tết, hrue bi hdơr kơ hƀuê ênuk, lehanăn knăm klei đăo, hlăm anăn mâo bi êdah: Hrue 1/5 jing sa hlăm dŭm hrue knăm Klă klơ̆ng, lehanăn mnuih ngă bruă, mnuih mă bruă hlăm kluôm ala mâo klei dưi mdei sa hrue ăt dưi ƀơ̆ng prăk mlan. Yap mơ̆ng anăn, hrue 1/5 dưi jing sa hrue knăm kơ grăp thŭn ti ala car drei. Hrue 29/4/1946. Khua gĭt gai Hồ Chí Minh bi klă leh asăp mtrŭn mrô 56 čoh čuăn kơ mnuih mă bruă dưi dưn prăk mlan hlăm hrue mdri hrue 1/5. Hrue 1/5/1946, gưl tal êlâo hlăm hƀuê ênuk ala čar drei, hrue mnuih mă bruă tar rŏng lăn 1/5 mâo mkŏ mjing mit tiñ kdrăm k’ah ti Hà Nội, mâo truh êbeh 20 êbâo čô mnuih mă bruă nao mbĭt./.

Y Khem – H Zawut pô mblang