VOV4.Êđê -Tlam mmăt hruê 12/4, Chử Xuân Dũng, K’iăng Khua Knơ̆ng bruă sang čư̆ êa ƀuôn prŏng Hà Nội gĭt gai klei bi kƀĭn trực tuyến hŏng dŭm quận, kdriêk, ƀuôn hgŭm, să čianwg lŏ dơ̆ng ngă dŭm hdră gang mkhư̆ klei ruă Covid-19 ăt msĕ mơh klei ruă jơ̆ng kngan ƀăng êgei… Hluê si klei hâo hưn mơ̆ng Knơ̆ng bruă mdrao mgŭn Hà Nội, truh ară aneu êgao leh 56 hruê ƀuôn prŏng amâo lŏ mâo ôh mnuih ruă mrâo hlăm êpul êya. Ƀuôn prŏng ăt mkŏ mjing tlŏ vaccin Covid-19 kơ 8.047 čô mnuih, hgao hnơ̆ng kčah. Bruă tlŏ vaccin gnag mkhư̆ klei ruă Covid-19 hlăm gưl 2 (êbeh 50 000 hnơ̆ng) srăng mđing tal eleâo kơ 26 êbâo čô ngă bruă mdrao mgŭn leh anăn êbeh 70 êbâo čô ktuê dlăng klei ruă Covid-19 hlăm êpul êya leh anăn mĭn tĭng hlamw thŭn anei Hà Nội srăng tlŏ vaccin gang mkhư̆ klei ruă Covid-19 kơ 350 êbâo čô mnuih. Djŏ tuôm kơ klei ruă jơ̆ng kngan ƀăng êgei, Chử Xuân Dũng mtă kơ dŭm alŭ wăl, brei mđing kơ bruă gang mkhư̆ klei ruă jơ̆ng kngan ƀăng êgei, mta wkơ dŭm quận, kdriêk lŏ dơ̆ng hâo hưn mtô mblang čiăng kơ mnuih ƀuôn sang thâo, thâo kơ dŭm hdră gang mkhư̆ klei ruă tưp.

H Zawut pô mblang