VOV4.Êđê- Hlăm klei bi kƀĭn leh êgao, Quốc Hội mâo leh klei bi klă srăng tiŏ nao Hầu A Lềnh, khua bruă Đảng gưl dlông, k’iăng khua bruă, khua čih hră dhar bruă gưl dlông Mặt trận čar kwar Việt Nam srăng đĭ ngă khua phŭn bruă, khua kiă kriê dhar bruă djuê ana. Hầu A Lềnh, kkiêng thŭn 1973, jing mnuih djuê ana Hmông, ñu dưi mâo klei hriăm jing Thạc Sĩ klei kreh knhâo kơ bruă pla mjing. Mlan 9/2015, dưi mâo klei iêu mthưr mơ̆ng phŭn bruă kđi čar tiŏ nao ngă bruă k’iăng khua gĭt gai krĭng yŭ dưr.

Hlăm klei kƀĭn trông dhar bruă gưl dlông Mặt Trận čar kwar Việt Nam tal 8 (gưl VIII), klei bi kƀĭn phung khua kriă kriê tiŏ nao ngă k’iăng khua bruă, khua čih hră dhar bruă gưl dlông Mặt trận čar kwar Việt Nam. Hầu A Lềnh jing sa čô khua êmua hlăm Đảng gưl dlông dŭm gưl X, XI, XII, XIII. Hlăm klei bi kƀĭn tal 11 leh êgao, ñu dưi mâo klei čuăn ruah mơ̆ng Quốc Hội srăng ngă ngă khua phŭn bruă, khua kiă kriê dhar bruă djuê ana wưng thŭn 2016-2021 tui hluê klei khua knŭk kna Phạm Minh Chính ruah mdưm./.

Pô mblang: Y-Khem Niê