VOV4.Êđê- Aguah mbrue (9/4) HĐND čar Gialai gưl 11, pok leh klei bi kƀĭn tal 19, ksiêm wĭt bruă knuă wưng păn bruă 2016 – 2021. Hlăm 5 thŭn êgao, HĐND čar Gialai gưl 11 mâo leh klei gĭr, lehanăn mâo dŭm boh tŭ dưn yuôm bhăn, hŏng 15/18 mta kñăm dưi bi leh, lehanăn kdlư̆n hĭn kơ hdră kčah. Hlăm anăn, bruă duh mkra ala ƀuôn hlăm čar dŭm thŭn mtam mâo klei đĭ kyar, hnơ̆ng đĭ kyar grăp thŭn truh 7,55%, dăp bruă duh mkra mâo nanao klei jăk, hơĭt kjăp klei hdĭp mda ala ƀuôn.

klei bi kƀĭn tal anei, HĐND čar Gialai mđing ksiêm wĭt jih jang boh tŭ dưn leh mâo, lehanăn dŭm klei awăt kƀah, mbĭt anăn hlak mblang bi nik ya ngă snăn, lehanăn mă klei hriăm, dŭm bruă năng lŏ dơ̆ng mlih mrâo hnơ̆ng jăk, boh tŭ mơ̆ng bruă Êpul khua kiă kriê HĐND, dŭm êpul hlăm HĐND, knơ̆ng bruă sang čư̆ êa čar, dŭm anôk bruă hlue ngă hdră bhiăn hlăm wưng păn bruă 2021 -–026./.

Pô mblang: Y-Khem Niê