VOV4.Êđê - Mrâo anei, ti sa\ Hoà Đông, kdriêk Krông Pa], ]ar Daklak, knơ\ng brua\ ra\ng mgang klei êđa\p ênang Dap kngư, Sang êa drao hruê 30/4, Knơ\ng brua\ Trách nhiệm hữu hạn Minh Phát po\k nga\ leh hdra\ brua\ “Ba m’^t klei kha\p ]ia\ng”. Anei jing sa hla\m du\m brua\ kla\ s^t, đru kơ mnuih [uôn sang djuê [ia\ ti alu\ wa\l mđ^ kyar brua\ duh mkra, msir klei ư\ êpa, bi hro\ klei [un knap.

Y Hăng Niê, djuê ana Êđê ti [uôn Êa Kmăt, să Hoà Đông, kdriêk Krông Pa], ]ar Daklak dôk mo# mâo 4 thu\n leh.  Dua ung mo# kno\ng mâo 2 sao lăn pla mtu\k mtu\l, hrui w^t [ia\ dhiă, anăn grăp hruê nao ngă bruă mưn ]ia\ng mâo mnơ\ng [ơ\ng hua\. Khă gơ\ ngă bruă kreh kriăng, [ia\dah klei hd^p mda go\ êsei `u ăt dleh dlan nanao. Mâo knơ\ng bruă sang ]ư\ êa să Hoà Đông hưn mthâo: Dhar bruă kia\ kriê klei Êđăp ênang kr^ng lăn Dap Kngư mđup brei kơ go\ êsei `u 9 drei bê, mb^t ana\n ngă mkra brei war rông, đru brei amlơ\k leh ana\n ktrâo la] hdră rông. Hơ\k m’ak kyua mâo prăk pioh mđ^ kyar bruă duh mkra kơ go\ êsei, ung mo# Y’Hăng rông kriê dlăng leh bê jăk êdi:“ Dhar bruă kia\ kriê klei êđăp ênang kr^ng lăn Dap kngư đru brei amlơ\k ]ia\ng kâo rông kriê dlăng, grăp hruê kâo nao koh adhan ana tô rô, adhan ana tang, hlăm 1 hruê brei [ơ\ng 3, 4 bliư\ leh ana\n nao phưi brei gơ\ hiu [ơ\ng hlăm ta]. Kâo g^r ktưn kriê dlăng bê bi suaih pral leh ana\n mđai. Lung anei dơ\ng mđai leh, năng ai mlan 5 bê srăng mđai yơh”.

Mb^t ho\ng gru hmô rông bê mơ\ng go\ êsei Y’Hăng ti [uôn Êa Kmăt, hdră bruă “ Ba m’^t klei khăp ]ia\ng” mơ\ng Dhar bruă kia\ kriê klei Êđăp ênang kr^ng lăn Dap Kngư tal anei lo\ po\k ngă 4 gru hmô rông êmô ti du\m boh [uôn mnuih [uôn sang djuê [ia\ mơ\ng să Hoà Đông, kdriêk Krông Pa], ho\ng ênoh bi liê truh 150 êklăk prăk. Mb^t ho\ng bruă mkăp djuê mjeh, dhar bruă lo\ mtio\ nao leh phung knuă druh nao ngă mkra brei war rông, đru brei mnơ\ng [ơ\ng bi amlơ\k, ktrâo la] kơ mnuih [uôn sang răng mgang klei ruă ]ia\ng kơ bê, êmô dja\l đ^ pro\ng.

{ri gưl anei, Dhar bruă kia\ kriê klei êđăp ênang kr^ng lăn Dap Kngư lo\ mđup brei 15 boh êdeh wai jơ\ng kơ phung hđeh hriăm hră [un ga\n hgao klei dleh dlan hriăm hră thâo; mđup brei êbeh 250 hnư mnơ\ng kơ du\m go\ êsei [un, go\ êsei knu\k kna dlăng ba, mduôn [uôn mâo k’hưm leh ana\n du\m phung mâo ba w^t boh tu\ dưn êdah kdlưn hlăm hdră bruă jih jang mnuih [uôn sang răng mgang klei êđăp ênang ala ]ar. Gưl anei phung nai aê mdrao sang êa drao hruê 30/4 lo\ ksiêm mkă dlăng klei ruă leh ana\n mbha êa drao leh ana\n đru k]e\ ktrâo brei mang amâo mâo ma\ pra\k ôh kơ êbeh 700 ]ô mnuih [uôn sang [un. Mduôn [uôn Y’}a\l Êban, [uôn Êa Kmăt, să Hoà Đông, kdriêk Krông Pa] yăl dliê: “ Hmei [uh klei khăp ]ia\ng mơ\ng khan ksiêm ho\ng mnuih [uôn sang mjing leh jing sa, klei anei mâo klei tu\ dưn pro\ng pr^n. Bruă mđup brei mnơ\ng kơ mnuih [un, kơ phung hđeh hriăm hră mâo klei hd^p dleh dlan jing klei mđ^ ai ho\ng mnuih [uôn sang hmei, kyua mâo gưl dlông mđing dlăng êdi kơ bruă msir klei ư\ êpa mhro\ klei [un knap kơ du\m go\ êsei mnuih [uôn sang ngă lo\ hma ti să Hoà Đông hmei”.

Hà Văn Luân, K’iăng khua Khan ksiêm să Hoà Đông, kdriêk Krông Pa], ]ar Daklak brei thâo: êpul khan ksiêm să amâo djo\ kno\ng hluê ngă bruă kriê mgang klei êđăp ênang, hnu\k êngiê hlăm alu\ wa\l đui] ôh, [ia\dah lo\ thâo klă kơ klei hd^p mda mơ\ng mnuih [uôn sang, ]ia\ng đru k]e\ kơ bruă Đảng,  brua\ Knu\k kna alu\ wa\l mâo hdră đru brei. Du\m phung dưi hluê ngă gru hmô rông mnơ\ng hlăm hdră bruă   “Ba m’^t klei khăp ]ia\ng” mơ\ng Dhar bruă kia\ kriê klei êđăp ênang kr^ng lăn Dap Kngư tal anei jing go\ êsei [un. Anei jing mnơ\ng myơr mâo klei tu\ yuôm, đru mnuih [uôn sang kpưn đ^ tlaih kơ klei [un [in h’^t kjăp. Hà Văn Luân brei thâo: “ Kơ bruă mtru\t mjhar mnuih [uôn sang tlaih kơ klei [un [in, snăn mâo gru hmô rông bê leh ana\n rông êmô. Mrâo anei Dhar bruă kia\ kriê klei Êđăp ênang kr^ng lăn Dap Kngư hriê mđing dlăng kơ mnuih [uôn sang să Hoà Đông. Si la] he\ mnuih [uôn sang hơ\k m’ak êdi, h’^t ai tiê duh [ơ\ng, [uôn sang êđăp ênang, amâo mâo ya klei dleh ksiêm dlăng. Khan ksiêm mâo hdră k]ah hiu suang dlăng jih hruê mlam anăn boh klei h’^t kjăp. Grăp mlan bi k[^n phung khan ksiêm 1 bliư\, du\m klei êmuh mơ\ng mnuih [uôn sang, snăn nao truh kơ sang mtru\t mjhar, kdơ\ng mgang du\m klei ngă soh”.

Hdră bruă “ Ba m’^t klei khăp ]ia\ng” ti să Hoà Đông, kdriêk Krông Pa], ]ar Daklak jing  sa hlăm lu bruă ngă kriê dlăng klei êđăp ênang yang [uôn mơ\ng Dhar bruă kia\ kriê klei Êđăp ênang kr^ng lăn Dap Kngư hlăm du\m thu\n êgao. Anôk bruă mđup myơr leh 6 boh sang khăp ]ia\ng kơ du\m go\ du\m go\ êsei knu\k kna dlăng ba, go\ êsei mnuih [uôn sang djuê [ia\ [un, mb^t ana\n khăng mko\ mjing bruă ksiêm mkă dlăng klei ruă, mbha êa drao mang kơ kơ mnuih [uôn sang [un ti kr^ng taih kbưi, nao ]ua\ dlăng, mđup myơr mnơ\ng kơ phung hđeh hriăm hră mnuih djuê [ia\ mâo klei hd^p dleh dlan, po\k ngă bruă đru mnuih [uôn sang duh mkra, bohnik gơ\ hlăm du\m bruă kdơ\ng mgang klei adiê không k[ah êa. Grăp thu\n Dhar bruă iêu la] klei ai c\o\ng ba myơr êrah mka\p  brei kơ sang êa drao ]ar Daklak; bi hgu\m mko\ mjing hdră bruă hnư êsei hua\ mang mđup brei kơ mnuih [un. Hdră bruă Ba m’^t klei khăp ]ia\ng dưi hluê ngă ba mđup brei leh du\m êtuh phu\n djuê mjeh, 9 drei bê, 8 drei êmô, đru mnuih [uôn sang djuê [ia\ tlaih kơ klei [un [in h’^t kjăp. Đại tá Phan Văn Bảy – K’iăng khua Dhar bruă kia\ kriê klei êđăp ênang kr^ng lăn Dap kngư brei thâo: “ Dhar bruă ăt khăng mko\ mjing du\m bruă ngă khăp ]ia\ng. Hlăm grăp thu\n bi hluê ngă [ia\ êdi mâo 3 mta bruă mâo klei tu\ yuôm. Klă klơ\ng jing hla\m mlan 6 ti ana\p, hmei lo\ dơ\ng  nga\ sa gưl nao mđup myơr mnơ\ng, ksiêm mkă dlăng klei ruă; mbha êa drao mang kơ sa boh [uôn mnuih [uôn sang [un ti kdriêk }ư\ Mgar, ]ar Daklak. Ăt hlăm mlan 6 amâo dah mlan 7, hmei hluê ngă hdră bruă ba myơr êrah đru mnuih ruă [un bi k]ah mtru\n leh mko\ mjing hla\m grăp thu\n. Gưl anei mă klei hriăm mơ\ng du\m thu\n êlâo dih srăng nga\ brua\ hâo hưn ktang h^n, jak iêu lu mnuih ai c\o\ng nao myơr êrah. Hmei hluê ngă nanao đrông brua\ anei hlăm du\m alu\ wa\l amâo djo\ kno\ng hjăn ti hlei alu\ wa\l ôh. Du\m bruă ngă anei jing ăt ]ia\ng bi mko\ gru rup knuă druh l^ng khan kia\ kriê klei êđăp ênang kr^ng lăn Dap Kngư thâo khăp ]ia\ng leh ana\n siă suôr ho\ng mnuih [uôn sang ti alu\ wa\l, ]ia\ng ngă rue# leh jăk bruă knuă mơ\ng Đảng leh ana\n Knu\k kna k]ah jao kơ pô.

                                                       H’Nga pô ]ih mkra.