Mơ̆ng dŭm mnơ̆ng dhơ̆ng ƀuh, anôk bruă bi mklă anei jing klang  kleh lĭng kahan djiê êngiă, mkŏ mjing klei bi kƀĭn hluê si klei kčah mtrŭn leh anăn ba wĭt kriê pioh, dlăng kriê ti Adŭ bi hdơr kơ phung lĭng kahan djiê êngiă mơ̆ng anôk bruă. Boh tŭ dưn anei lŏ dơ̆ng bi mklă bruă klam yuôm bhăn mơ̆ng bruă đru čung ba mnuih ƀuôn sang hlăm hdră tui duah phung săn leh asei ti ala čar ƀĭng găp.

Leh giăm sa mlan hluê ngă bruă klam hlăm yan bhang 2026-2027, Êpul K51 msir mghaih leh giăm 50 klei hưn, bi kƀĭn mâo 5 klang lĭng kahan djiê êngiă ti čar Mondulkiri. Hlăm wưng kơ anăp, Êpul K51, Anôk bruă gĭt gai lĭng kahan čar Dak Lak lŏ dơ̆ng pŏk mlar alŭ wăl tui duah, ksiêm dlăng dŭm krĭng mâo klei hưn djŏ tuôm, mđĭ hdră bi hgŭm hŏng bruă sang čư̆ êa leh anăn mtrŭt mjhar mnuih ƀuôn sang Campuchia mkăp thiăm klei hâo hưn.