Êlâo anăn, mơ̆ng hruê 19/8, hluê si klei ksiêm dlăng, klei duah ti Ƀuôn prŏng đưm Diên Khánh, dŭm êpul êya ƀuh leh 5 anôk mâo gru klang mbĭt hŏng dŭm mta mnơ̆ng msĕ si hmôk boh phao, giêt êa drao angĭn… Hlăm 1 hruê kăm, êpul djŏ tuôm mâo ƀuh leh 13 klang lĭng kahan djiê êngiă, ngă bruă mă mta kñăm mkă dlăng ADN.

Hluê si hră mơar hƀuê ênuk leh anăn klei hâo hưn hrui mă, krĭng sang mnă hđăp hlăm Ƀuôn prŏng đưm Diên Khánh tuôm jing anôk krư̆ kđăl phung knuă druh, lĭng kahan krŭ kdơ̆ng. Lu phung djiê êngiă hlăm wưng tuôm hŏng klei phung roh mă, krư̆ kđăl leh anăn dưi dơr ti anei. Ară anei dŭm anôk bruă dôk lŏ pŏk mlar hdră tui duah, bi kƀĭn klang kleh phung djiê êngiă.