Mơ̆ng klei hưn mơ̆ng mnuih ƀuôn sang ala čar Campuchia, Êpul K51, Knơ̆ng gĭt gai lĭng kahan čar Dak Lak duah ƀuh, bi kƀĭn klang kleh sa čô lĭng kahan djiê êngiă ti phum Vai Yoong, să Busara, kdriêk Bétchanđa, čar Mondulkiri. Klang kleh lĭng kahan dưi ƀuh giăm krĭng êa krông Dak Dăm, mbĭt hŏng lu mnơ̆ng dhơ̆ng msĕ si hruôm jơ̆ng ksu, knŭt ao lĭng kahan, abŭ msei B52 leh anăn giêt êa drao.

 Bruă bi kƀĭn dưi ƀuh klang phung êngiă asei hlăm dŭm hruê tal êlâo hluê ngă bruă klam yan không jing boh tŭ mơ̆ng hdră mjêč tŭ mă, bi mklă leh anăn msir mghaih klei hâo hưn mơ̆ng mnuih ƀuôn sang. Klei tŭ anei lŏ dơ̆ng bi mklă klei gĭr mơ̆ng knuă druh, lĭng kahan Êpul K51, Knơ̆ng gĭt gai lĭng kahan čar Dak Lak hlăm bruă hluê ngă bruă klam tui duah, bi kƀĭn klang phung êngiă asei; mbĭt anăn đru mguôp klă klơ̆ng bi sĭt ai tiê Hdră bruă 500 hruê mlam, gĭr tui duah phung djiê êngiă leh kyua klei êngiê, hnŭk êngiê mơ̆ng Ala čar, čiăng ba digơ̆ wĭt hŏng ƀuôn sang, gŏ sang.