-Hdră ênua mdrao mgŭn jing hdră ênua mơ̆ng Đảng leh anăn Knŭk kna, kyua klei tŭ dưn kơ mnuih mă bruă leh anăn mnuih ƀuôn sang, mâo Knŭk kna răng mgang, mơ̆ng anôk bruă ênua yang ƀuôn hluê ngă; hlăm anăn, phung hđeh hriăm hră, phung hriăm gưl prŏng dôk hriăm ti dŭm anôk mtô bi hriăm hlăm hdră mtô bi hriăm knŭk kna, yap wăt  phung hriăm gưl prŏng hriăm bruă knŭk kna dôk hriăm ti dŭm sang hră lĭng kahan yang ƀuôn, kahan ksiêm yang ƀuôn, kbiă hriê mơ̆ng dŭm êpul bruă mkăn brei hluê ngă.

-Hđeh hriăm hră, phung hriăm gưl prŏng nao hgŭm hlăm hră ênua mdrao mgŭn mâo:

- Knŭk kna đru 55% ênoh tla grăp mlan (Prăk knŭk kna gưl dlông 50%, prăk knŭk kna čar 5%). Ênoh tla hră ênua mdrao mgŭn hđeh hriăm hră, phung hriăm gưl prŏng hŏng 4.5% ênoh prăk mlan; hđeh hriăm hră, phung hriăm gưl prŏng knŏng tla 45% ênoh tla.

- Ruah hdră tla nanao 3 mlan, 6 mlan amâo dah 12 mlan.

 -Nao hgŭm hlăm hră ênua mdrao mgŭn hđeh hriăm hră, phung hriăm gưl prŏng srăng dưi dưn dŭm klei tŭ dưn snei:

- Mâo mkăp hră ênua mdrao mgŭn điện tử.

- Dưi ruah leh anăn bi mlih anôk čih anăn mkă dlăng mdrao mgŭn tal êlâo hlăm 15 hruê akŏ grăp gưl.

- Dưi kriê dlăng klei suaih pral tal êlâo hluê si klei bhiăn.

- Mâo tĭng tla prăk mdrao mgŭn hlăm klei dưi leh anăn hnơ̆ng tĭng tla.

- Mâo anôk bruă Hră ênua yang ƀuôn kčĕ, đru, wĭt lač kơ hră ênua mdrao mgŭn.

 - Mâo klei akâo kčŭt hưn klei ngă soh hŏng hdră bhiăn ênua mdrao mgŭn.

-Hđeh hriăm hră, phung hriăm gưl prŏng čih anăn nao hgŭm hlăm hră ênua bruă mdrao mgŭn ti Anôk bruă mtô mjuăt bi hriăm anôk dôk hriăm leh anăn hluê ngă hluê si klei ktrâo lač.

-Čiăng kơ klei suaih pral anak aneh, kyua kơ êdei anăp lăn čar, Brei nao hgŭm hlăm hră ênua mdrao mgŭn hđeh sang hră, phung hriăm gưl prŏng.

 -Tơdah čiăng lŏ mâo klei hâo hưn, akâo bi blŭ hrăm mtam hŏng hră ênua yang ƀuôn čar Dak Lak amâo dah Hră ênua yang ƀuôn dŭm anôk bruă čiăng mâo klei kčĕ, ktrâo lač leh anăn msir mgaih.

-Mrô đĭng blŭ kăp kčĕ, đru kčĕ mơ̆ng Hră ênua yang ƀuôn čar Dak Lak: 0262 222 9799.