Hluê anăn phung hđeh hriăm hră 4 sang hră gưl tlâo thơ̆ng mâo sang dôk kbưi hŏng sang hră mơ̆ng 15km kơ dlông srăng dưi dưn hdră êlan đru kơ klei dôk dơ̆ng ƀơ̆ng huă mơ̆ng čar Lâm Đồng. Klă klơ̆ng, hŏng phung hđeh sang hră thơ̆ng dôk dơ̆ng ƀơ̆ng huă ti sang hră dưi amâo mă prăk sang dôk, prăk pui, prăk êa; mbĭt anăn mă ênoh prăk đru huă ƀơ̆ng 936.000 prăk grăp mlan.

Bi hŏng sang hră ka dưi mkăp anôk dôk gưl hriăm, êngao kơ prăk huă, phung hđeh srăng dưi đru thiăm 360.000 prăk grăp mlan prăk mưn sang dôk. Hdră êlan pral anei mơ̆ng čar Lâm Đồng dưi ba yua mơ̆ng thŭn hriăm mrâo 2026- 2027 amâo djŏ knŏng bi hrŏ klei ktrŏ prăk kăk kơ gŏ sang, ƀiădah lŏ mjing boh kdrŭt đru kơ phung hđeh hriăm hră kbưi hŏng sang hơĭt ai tiê hriăm hră ti 4 sang hră thơ̆ng mơ̆ng čar, mâo: Sang hră gưl tlâo thơ̆ng Bảo Lộc, Sang hră gưl tlâo thơ̆ng Thăng Long, Sang hră gưl tlâo  thơ̆ng Trần Hưng Đạo leh anăn Sang hră gưl tlâo thơ̆ng Nguyễn Chí Thanh.