VOV4.Êđê- Čang hmăng ‘’Hră bi mklă tlŏ vaccine” čiăng mprăp drông phung tue ehiu čhưn ênguê ala tač êngao, Phŭn bruă Mjuăt ktang asei mlei, Dhar kreh lehanăn hiu čhưn ênguê dôk gĭt gai Knơ̆ng bruă hiu čhưn ênguê mă bruă hŏng dŭm êpul êya djŏ tuôm, êpul hgŭm bruă hiu čhưn nguê, anôk bruă duh mkra čih mkra hdră ngă bruă kñăm kriê dlăng phung tuê hiu čhưn. Mĭn tĭng mơ̆ng ară anei truh kơ knhal jih mlan 4, Phŭn bruă anei srăng hưn mthâo hŏng Khua knŭk kna dŭm bruă djŏ tuôm. Hluê anăn, Knơ̆ng bruă hiu čhưn eneguê Việt Nam dôk ksiêm dlăng, mprăp hdră ruah dŭm mta mnơ̆ng dhơ̆ng, wăl anôk hiu čhưn ênguê čiăng ba yua hră bi mklă tlŏ vaccine, mjing klei găl drông tuê hriê čhưn mbĭt anăn ăt rơ̆ng kjăp klei êđăp ênang gang mkhư̆ klei ruă tưp. Khă snăn, klei ba mdah čiăng pŏk ƀăng drông phung tuê hiu čhưn ala tač êngao brei čih mkra hdră kčah klă klơ̆ng, mâo wưng hluê ngă klă klơ̆ng lehanăn bruă răng mgang klei êđăp ênang brei mâo klei mđing tal êlâo hĭn. Mơ̆ng mlan 4/2020 truh ară anei, Việt Nam mdei jih gưl phiơr dŭ mdiăng hiu čhưn ênguê, lu jing mdiăng phung thơ̆ng kơ bruă, mnuih mă bruă, phung mă bruă duh bi liê... mơ̆ng ala tač êngao hriê mă bruă ti Việt Nam./.

                                                    Pô mblang: H’Nêč Êñuôl