VOV4.Êđê -   Hruê anei 8-4 jing hruê mă bruă knhal tuič mơ̆ng klei bi kƀĭn tal 11, Quốc hội gưl XIV. Aguah, Quốc hội ngă dŭm hră mơar bi mklă mtă brei jao bruă kơ phung K’iăng Khua Knŭk kna, Khua phŭn bruă leh anăn phung mkăn mơ̆ng Knŭk kna. Khua hlăm Dhar bruă gĭt gai Quốc hội Nguyễn Thị Thanh, bi ala Dhar bruă gĭt gai Quốc hôị, hưn mdah klei tŭ bi trông hlăm Êpul kơ klei bi mklă brei jao bruă kơ phung K’iăng Khua Knŭk kna, phung Khua Phŭn bruă leh anăn phung mkăn hlăm Knŭk kna.

Khua knŭk kna Phạm Minh Chính hưn mdah hŏng Quốc hội kơ bruă hlak mblang, mă klei blŭ mguôp mơ̆ng phung bi ala êlâo kơ Quốc hội bi mklă mtă brei păn bruă hŏng hdră mplĕ hră hgăm. Leh hưn mdah klei tŭ mplĕ hră, Quốc hội bi trông, bi mklă hưn mdah Hdră mtrŭn bi mklă bruă jao bruă kơ phung K’iăng khua Knŭk kna, phung khua phŭn bruă leh anăn phung khua mkăn hlăm knŭk kna.

H Zawut pô mblang