VOV4.Êđê- Êpul hgŭm ruah khua ala čar bi mklă hưn mdah anăn 868 čô mhơ̆ng phung bi ala Quốc hộu gưl 15 ti 184 anôk bruă ruah khua hlăm kluôm ala čiăng ruah 500 cô bi ala Quốc hội. Bùi Văn Cường,  Khua gĭt gai, Khua adŭ bruă Quốc hội, Khua adŭ bruă Êpul hgŭm ruah khua ala čar brei thâo: Hlăm ênoh anăn klă sĭt 868 čô mgơ̆ng asei phung bi ala Quốc hội gưl 15 hluê si grăp anôk bruă ruah khua, ênoh pô mgơ̆ng asei kyua Gưl dlông hưn mthâo mâo 203 čô mnuih, alŭ wăl mâo 665 čô mnuih. Kơ Hdră bi mguôp mbĭt kluôm ala, pô mgơ̆ng asei jing phung mniê mâo 393 čô mnuih, pô mgơ̆ng asei jing mnuih djuê ƀiă mâo 185 čô mnuih, pô mgơ̆ng asei jing phung amâo djŏ Đảng viên mâo 74 čô mnuih. Pô mgơ̆ng asei jing phung bi ala Quốc hội gưl 14 lŏ djŏ ruah mâo 205 čô mnuih, pô mgơ̆ng asei jing phung mda asei (ti gŭ 40 thŭn) mâo 224 čô mnuih. Hnơ̆ng thŭn kah knar phung mgơ̆ng asei phung bi ala Quốc hội jing 46 thŭn.

Pô mblang: H’Zawut Ƀuôn Yă