VOV4.Êđê- Aguah hruê 7-5, Khua Knŭk kna Phạm Minh Chính hưn mdah hŏng Quốc hôị bi mklă bruă brei sa čô K’iăng Khua knŭk kna, phung Khua phŭn bruă leh anăn phung mkăn mơ̆ng Knŭk kna mdei bruă. Hluê anăn, Quốc hội ksiêm dlăng bi mklă brei mdei bruă K’iăng Khua knŭk kna Trịnh Đình Dũng, đa đa phung Khua phŭn bruă leh anăn Khua anôk bruă bi Knar hŏng Phŭn bruă.

Ênoh mnuih mă bruă hlăm Knŭk kna wưng Quốc hội gưl XIV mâo 27 čô mnuih mâo: Khua Knŭk kna, 5 čô K’iăng Khua knŭk kna leh anăn 21 čô Khua phŭn bruă, Khua anôk bruă bi knar hŏng Phŭn bruă.  Hlăm anôk bi kƀĭn phung bi ala kluôm ala tal XIII mrâo êgao, mâo 9 čô hlăm knŭk kna amâo ngă hlăm bruă Đảng gưl dlông XIII, hlăm anăn mâo 8 čô mnuih lŏ djŏ ruah kyua jih thŭn mă bruă. Leh phung bi ala Quốc hội bi trông hlăm Êpul kơ mta phŭn anei, Quốc hội ngă klei bi mklă brei K’iăng Khua knŭk kna Trịnh Đình Dũng mdei bruă leh anăn đa đa phung Khua phŭn bruă leh anăn phung mkăn hlăm Knŭk kna hŏng hdră mplĕ hră hgăm. Leh anăn, Khua Knŭk kna hưn mdah anăn čiăng kơ Quốc hội bi mklă bruă brei mnuih hrô dŭm anôk bruă mrâo lač.

Pô mblang: H’Zawut Ƀuôn Yă