VOV4.Êđê- Hlăm hruê tal êlâo hluê ngă hdră kčah hiu suang dlăng, msirr mghaih klei ngă soh mâo anăn “Mnuih mgăt êdeh hlăm êlan klông mâo mta matuĭ, kôl’’, êpul kahan ksiêm êlan klông kluôm ala hmao ƀuh, msir mghaih leh êbeh 600 čô mnuih ngă soh  mâo hnơ̆ng kôl, matuĭ hlăm asei mlei. Hruê 15/3, kluôm ala mâo leh 24 klei truh hlăm êlan klông, ngă 8 čô djiê, 20 čô êka.  Amâo maoa klei truh hlăm êlan êdah treng, êlan êa. Hruê tal êlâo trŭn kơ bruă nao msir mghaih, phat mkra phung mgăt êdeh mâo matuĭ, kôl hlăm asei mlei, êpul kahan ksiêm êlan klông kluôm ala hmao ƀuh, msir mghaih leh 7.388 čô mnuih ngă soh, đŭ bi kmhal êbeh 7 êklai prăk, hlăm anăn mâo 604 čô mnuih ngă soh mâo hnơ̆ng kôl, 2 čô mâo mta matuĭ hlăm asei mlei./.

Pô mblang: H’Nêč Êñuôl