VOV4.Êđê- Aguah anei (24/3) kčưm pŏk klei bi kƀĭn gưl 11, klei kƀĭn ala tal 14. Khua knơ\ng čih hră hlăm anôk bruă Quốc Hội Nguyễn Hạnh Phúc brei thâo: čiăng rơ̆ng leh anăn bi msĕ bruă mă mơ̆ng Đảng, knŭk kna, Quốc Hội srăng mâo 7 hruê kơ bruă ksiêm dlăng, bi kluôm ênŭm hlăm dŭm anôk bruă gĭt gai mơ̆ng Đảng leh anăn knŭk kna. Klei kƀĭn ala gưl anei knŏng bi kluôm ênŭm dŭm anôk bruă gĭt gai mơ̆ng knŭk kna, amâo bi kluôm ênŭm kơ jih jang klei bi kƀĭn tal 14. Leh êgao klei mplĕ hră ruah khua, truh kơ mlan 7 thŭn anei, Quốc hội srăng bi ênŭm mnuih mă bruă kơ gưl 15 leh anăn klei đĭ păn bruă srăng mkŏ mjing djŏ hŏng hră bhiăn. Mĭn tĭng ti klei bi kƀĭn anei, Quốc Hội srăng mâo klei brei mdei dŭm khua gĭt gai mơ̆ng Đảng, knŭk kna leh anăn srăng ruah pô bi mlih hŏng hdră ple\ hră hgăm. Mbĭt hŏng anăn, Quốc Hội srăng ngă bruă čuăn ruah, brei mdei bruă dŭm čô gĭt gai dŭm anôk bruă knŭk kna, hlăm anăn mâo: K’iăng khua lăn čar, dŭm k’iăng khua kiă kriê Quốc Hội leh anăn khua kiă kriê Dhar bruă mơ̆ng Quốc Hội, anôk bruă tĭng mkă ngăn prăk knŭk kna, khua knơ\ng kiă kriê Quốc Hội, mâo đa đa k’iăng khua knŭk kna, khua phŭn bruă leh anăn dŭm cô khua êmua mkăn mơ̆ng knŭk kna. Êngao kơ anăn, Quốc Hội srăng brei mdei leh anăn srăng čuăn ruah mrâo khua hlăm êpul plĕ hră ruah khua ala čar. 

Pô mblang: Y-Khem Niê