VOV4.Êđê - Aguah hruê 16/5, lĭng kahan lehanăn mnuih ƀuôn sang ti kdriêk plao ksĭ Trường Sa, čar Khánh Hòa hơ̆k kdơ̆k nao ruah pô bi ala Quốc hội gưl XV lehanăn Hội đồng Nhân dân dŭm gưl, wưng thŭn 2021-2026. Mnuih ƀuôn sang ti 2 să plao ksĭ Sinh Tồn, Song Tử Tây lehanăn wăl krah Trường Sa nao ruah khua hnưm. Knŏng hjăn krĭng nao mplĕ hră hnưm ti wăl krah Trường Sa (plao ksĭ Trường Sa Lớn) lehanăn 3 krĭng mplĕ hră adôk hlăm kdriêk Trường Sa ti krĭng lăn hang ăt hluê ngă hdră ruah khua djŏ si wưng kčah jing hruê 23/5. Ară anei, krĭng plao ksĭ Trường Sa mphŭn mâo adiê mđiă; lu plao ksĭ tuôm hŏng lu klei dleh dlan hlăm klei hdĭp, mă bruă knuă hlăm aguah tlam. Lĭng kahan lehanăn mnuih ƀuôn sang ti dŭm plao ksĭ msir mghaih leh klei dleh dlan, mprăp jăk kơ hdră ruah khua kyua anăn knăm nao mplĕ hră ruah khua ti krĭng anei dưi mkŏ mjing jăk găl, djŏ si hdră kčah. Hlăm aguah, lu krĭng plao ksĭ ngă ruê̆ leh bruă mplĕ hră./.

H Nêč pô mblang