VOV4.Êđê - Ƀri knăm m’ak Phật đản 2021, Phật lịch 2565, hruê 17/5 mbruê, bi ala Dhar bruă Mặt trận čar kwar Việt Nam, Khua hlăm Anôk kiă kriê bruă Đảng, Khua Dhar bruă Mặt trận čar kwar Việt Nam Đỗ Văn Chiến mâo leh hră h’êč hmưi kơ mnuih ƀuôn sang đăo Yơng kluôm ala. Hlăm hră m’ĭt, Đỗ Văn Chiến m’ĭt leh asăp h’êč hmưi jăk siam truh kơ phung yơng, phung tăng ni, phật tử Êpul hgŭm klei đăo Yơng Việt Nam. H’êč hmưi kơ jih jang phung Yơng, mnuih đăo Yơng hlăm lehanăn êngao ala čar drông sa knăm m’ak jăk jĭn, êđăp ênang lehanăn mâo klei hgŭm mguôp kjăp hĭn hlăm êpul hgŭm mguôp djuê ana. Hlăm ai êwa bi hdơr Hruê kkiêng kơ Yang Yơng tal 2645, h’êč hmưi Hruê m’ak jih jang mnuih ƀuôn sang nao ruah pô bi ala Quốc hội lehanăn HĐND dŭm gưl, Đỗ Văn Chiến đăo knang, Êpul hgŭm klei đăo Yơng Việt Nam srăng mđĭ lar knhuah gru jăk siam, dŭm boh tŭ yuôm knhuah dhar kreh, knhuah hdĭp jăk lehanăn mnuih đăo Yơng srăng hrăm mbĭt hŏng mnuih ƀuôn sang kluôm ala găn hgao klei ruă tưp Covid 19 tal anei./.

H Nêč pô mblang