VOV4.Êđê -  hrue mbrue (31/3) ti knơ̆ng bruă kiă kriê anôk dôk, hlăm phŭn bruă ksiêm dlăng ala čar, ti ƀuôn prŏng phŭn Phnom penh, mkŏ mjing leh knăm mđup brei mnơ̆ng mnuă bruă mdrao mgŭn mơ̆ng anôk bruă bi ala knŭk kna Việt Nam ti Campuchia đru kơ phung ƀuôn sang Campuchia mdrơ̆ng hŏng klei ruă tưp covid 19. Blŭ hrăm ti knăm anăn, khua bi ala Lại Xuân Chiến lač klei ruă tưp covid 19 hlăk dôk tưp lar hlăm tar rŏng lăn, hmăi amâo mâo jăk truh leh kơ Việt Nam lehanăn Campuchia. kyuanăn, Anôk bruă bi ala knŭk kna Việt Nam mđup brei 10 êbâo blah čhiăm guôm ƀô̆ kơ knơ̆ng bruă kiă kriê anôk dôk Camuchia. Anei jing mnơ̆ng mđup brei mơ̆ng anôk bruă bi ala knŭk kna Việt Nam, lehanăn phung ƀuôn sang Việt Nam mơĭt čang hmăng dưi đru kơ phung ƀuôn sang Campuchia dưi găn klei dleh dlan, dưn hŏng klei ruă tưp covid 19, lehanăn đru lŏ bi kjăp, ksul mbŭ klei thâo bi mguôp, hgŭm mbĭt jăk siam plah wah phung ƀuôn sang dua ala čar./.

Y Khem pô mblang