VOV4.Êđê - Dương Văn Trang – Khua hlăm Anôk bruă Đảng gưl dlông, Khua bruă Đảng čar Kon Tum mrâo nao čhưn lehanăn mă bruă hŏng phung knuă druh, lĭng kahan Kđông kahan răng mgang ƀăng jang knông lăn Quốc tế Bờ Y.

Hluê si klei hưn, hlăm thŭn 2020 lehanăn 3 mlan gưl 1 thŭn 2021, Kđông mâo mă kơ̆ng, k]ŭt hưn 6 boh klei, 9 čô mnuih, mă kơ̆ng êbeh 13 kg matuĭ dŭm mta, ngă leh hră m’ar, ba jao mnuih, mnơ̆ng dhơ̆ng kơ Anôk bruă kahan ksiêm čar ksiêm dlăng, msir mghaih djŏ si klei kčah mtrŭn; msir mghaih 130 boh klei, êbeh 350 čô mnuih ngă soh hŏng hdră bhiăn knông lăn kơ klei mŭt, kbiă; bi hgŭm hŏng êpul djŏ tuôm hmao ƀuh, mă kơ̆ng 2 boh klei/2 čô mnuih, hrui mă êbeh 1.430 kg phao m'ar dŭm mta... Klah čŭn ti anôk mă bruă, Khua bruă Đảng čar Kon Tum Dương Văn Trang mtă kơ Anôk gĭt gai Kđông kahan răng mgang ƀăng jang knông lăn Quốc tế Bờ Y mă bruă hŏng klei đua klam, mtrŭt mjhar phung knuă druh, lĭng kahan bi leh jih bruă klam mâo kčah jao, mđĭ klei răng, amâo lĕ hlăm klei mplư, amâo ngă soh hŏng hdră bhiăn./.

H Nêč pô mblang