VOV4.Êđê - Dương Văn Trang, khua bruă Đảng gưl dlông, khua bruă Đảng čar Kon Tum mrâo nao ksiêm dlăng kơ bruă ksiêm dlăng, răng mgang lehanăn mđĭ kyar kmrơ̆ng dliê ti kriêk Kon Plong. Khua bruă Đảng čar mta kơ să Dak Tang čiăng mâo klei ksiêm dlăng, răng mgang kơ 630 ana hngô 5 aruăt hla dôk mâo. anei jing ana hngô dưi brei lu čai lehanăn êa djoh dưi djiêl mă lu hĭn mkă hŏng ana hngô 3 aruăt hla, mâo boh siam tơdah dlăng, djŏ tơdah pla hlăm sang hră mơar, anôk mă bruă. Ară anei, êpul bruă ksiêm dlăng anôk bruă lŏ hma ba yua kdrăp mrâo mrang mrâo Măng Đen dưi lŏ ba mdjuê bi lar hlăm ƀrô 400 ana hngô 5 aruăt hla. Khua bruă Đảng čar Kon Tum mta kơ kdriêk Kon Plong lo gĭt gai kơ êpul bruă ksiêm dlăng anôk bruă lŏ hma ba yua kdrăp mrâo mrang mrâo Măng Đen lŏ mdjuê bi lar mta ana anei čiăng lŏ pŏk mlar ênhă pla mjing hlăm alŭ wăl, mprăp kơ klei hiu čhưn ênguê, mđĭ anôk êyui, mkŏ mkra bruă mă, prăk ba wĭt kơ mnuih ƀuôn sang mơ̆ng klei mă čai, djiêl mă êa djoh lehanăn kyâo mơ̆ng ana hngô.