VOV4.Êđê -  Dương Văn Trang, khua bruă Đảng čar Kontum mrâo mâo leh mmông mă bruă hŏng phung knuă druh, kahan răng mgang knông lăn kđông Rơ Long, să Đak Long, kdriêk Đak Glei. Tinăn kđông Rơ Long akâo: Kơ gưl nah dlông duh mĭn hĭn mkra wĭt êlan hiu suang, kyuadah kreh mâo nanao klei jhat rai mơ̆ng yan adiê ngă, hmăi amâo mâo jăk kơ bruă hiu gak răng, mkra djăp êlan hnoh, êlan hiu suang ti dŭm anôk gơ̆ng knông lăn, mkra mnư̆ gang ti gơ̆ng knông lăn, mkŏ mkra pui mtrang mngač. Mkra mđĭ ƀăng jang knông lăn điêt Đăk Long jing ƀăng jang knông lăn prŏng pioh kơ bruă hiu čhưn ênguê; lehanăn bi mnia mblei.

Khua bruă Đảng čar Kontum mtă, hlăm bruă gang răng knông lăn bi hgŭm wăt bruă răng mgang dliê. Knơ̆ng bruă kiă kriê kahan răng mgang knông lăn čar lehanăn kđông kahan Rơ Long mđĭ ai nanao lĭng kahan ngă kjăp bruă čuăn pô. Lehanăn mkŏ mjing klei mjĕ mjing hŏng să Đăk Long, kčĕ kơ să hlăm bruă mkŏ mjing Đảng, mkŏ mjing bruă sang čư̆ êa să, lehanăn đru phung ƀuôn sang thâo duh ƀơ̆ng, bi hrŏ ƀun, lehanăn mkŏ mkra krĭng ƀuôn sang mrâo./.

Y Khem pô mblang