VOV4.Êđê - Mơ̆ng hruê 5-11/5, Knơ̆ng bruă mặt trận čar kwar Khánh Hoà mkŏ mjing Klei bi kƀĭn bi tuôm hŏng phung bi ala kơ mnuih ƀuôn sang kơ klei ruah khua hŏng phung mgơ̆ng asei bi ala Quốc hội gưl XV wưng thŭn 2021-2026. Khua Dhar bruă duh mkra gưl dlông Trần Tuấn Anh nao hlăm Klei bi kƀĭn ti Anôk bruă ruah khua mrô 1, mâo wăl krah Ninh Hoà leh anăn kdriêk Vạn Ninh, čar Khánh Hoà. Hlăm dŭm klei bi tuôm hŏng phung bi ala kơ mnuih ƀuôn sang mtrŭt mjhar ruah khua, Trần Tuấn Anh hưn mdah mta phŭn Hdră pô ngă bruă. Dŭm bruă klam d Khua Dhar bruă duh mkra gưl dlông Trần Tuấn Anh bi mklă jing: Ktuê dlăng anôk bruă nah gŭ,  bi mguôp siă suôr hŏng mnuih ƀuôn sang, mđing hmư̆ boh sit mâo hlăm klei dhĭp mnuih ƀuôn sang leh anăn anôk bruă mnia blei čiăng ksiêm dlăng, kčĕ hŏng Gưl dlông mkŏ mjing hdră êlan prŏng kyua klei tŭ ala čar, djuê ana, kyua mnuih ƀuôn sang, mă mnuih ƀuôn sang jing phŭn leh anăn hdră kñăm, hdră msir mđĭ kyar bruă duh mkra - ala ƀuôn hlăm Hdră mtrŭn klei bi kƀĭn phung bi ala XVIII mơ̆ng bruă Đảng čar Khánh Hoà đĭ kyar, kjăp ktang.

H Zawut pô mblang