VOV4.Êđê- Hruê 23/3, Êpul ngă bruă mơ̆ng Dhar bruă Mặt trận čar kwar gưl dlông Việt Nam mâo K’iăng khua Dhar bruă Mặt trận čar kwar gưl dlông Việt Nam Phùng Khánh Tài ngă Khua êpul nao ksiêm dlăng hdră mprăp kơ gưl ruah pô bi ala Quốc hội lehanăn bi ala HĐND dŭm gưl, wưng thŭn 2021-2026 tai čar Dak Nông. Hluê si klei hưn mơ̆ng Dhar bruă ruah khua car Dak Nông, truh ară anei, hdră mprăp kơ gưl ruah pô bi ala Quốc hội gưl XV lehanăn bi ala Hội đồng nhân dân dŭm gưl wưng thŭn 2021-2026 ti alŭ wăl car dưi pŏk ngă djŏ si klei kčah mtrŭn.

Kluôm car mkŏ mjing leh 2 dhar bruă ruah pô bi ala Quốc hội lehanăn 14 dhar bruă ruah pô bi ala HĐND gưl čar, 8 anôk bruă ruah pô bi ala HĐND gưl kdriêk; 71 anôk bruă ruah ô bi ala HĐND gưl să. Ti anôk mă bruă hŏng Dhar bruă ruah khua čar Dak Nông, êpul ksiêm dlăng mơ̆ng Dhar bruă Mặt trận čar kwar gưl dlông Việt Nam mtă kơ anôk bruă ruah khua čar pral hmao ƀuh, ksiêm dlăng, kdơ̆ng mblah, gang mkhư̆ lehanăn msir mghaih dŭm mta klei mâo ti anôk bruă čiăng kơ hdră ruah khua klă sĭt jing hruê m’ak mơ̆ng jih jang mnuih ƀuôn sang./.

Pô mblang: H’Nêč Êñuôl