VOV4.Êđê - Aguah mbrue (19/3) Khua hlăm phŭn bruă kđi čar, Khua dhar bruă mkŏ mjing gưl dlông Phạm Minh Chính mbĭt hŏng êpul bi ala Quốc hội čar Quảng Ninh bi tuôm leh hŏng phung ƀuôn sang ƀuôn prŏng Hạ Long. lŏ dlăng wĭt wưng păn bruă leh êgao, phung ƀuôn sang ƀuôn prŏng Hạ Long bi myuôm bruă lehanăn ai tiê, klei hur har, bruă klam mơ̆ng êpul bi ala Quốc hội Quảng Ninh, klă sĭt jing leh pô bi ala, jing kdrông mkŏ kăp bi êdah jih ai tiê klei mĭn phung ƀuôn sang truh hŏng Quốc hội lehanăn dŭm dhar bruă djŏ tuôm mâo klei dưi. Mđing hmư̆ klei blŭ phung ƀuôn sang, Phạm Minh Chính mâo klei mtă, Quảng Ninh lŏ dơ̆ng ngă jăk hĭn bruă mđĭ kyar klei duh mkra ala ƀuôn, răng mgang kjăp klei êđăp ênang yang ƀuôn, lŏ čuê bruă kriê pioh lehanăn mđĭ bi lar knhuah gru hlăm alŭ wăl, čŏng kpưn đĭ, mlih mrâo hŏng klei mbruă, lehanăn păn kjăp klei mđĭ kyar, mđĭ klei hdĭp phung ƀuôn sang hlăm čar./.

Y-Khem pô mblang