VOV4.Êđê- Aguah mbrue (17/3), ti anôk bruă khua lăn čar Khua bi ala knŭk kna Panama Eligio Alberto Salas De Leon; Khua bi ala knŭk kna Singapore Jaya Ratnam; Khua bi ala knŭk kna Indonesia Denny Abdi ba mdah leh hră nao păn bruă kơ khua gĭt gai, khua lăn čar Nguyễn Phú Trọng, leh knăm mdah hră păn bruă kơ khua gĭt gai Đảng, khua lăn čar Nguyễn Phú Trọng ngă leh klei drông phung khua bi ala, ti anôk drông čhưn anăn, Khua gĭt gai đăo knang hŏng klei thâo pô, lehanăn klei thâo săng kơ Việt Nam, phung khua bi ala srăng bi leh jăk bruă jao kơ pô, mtrŭt klei bi mguôp hgŭm mbĭt plah wah Việt Nam hŏng dŭm ala čar phung khua bi ala anăn.

Khua gĭt gai brei thâo, Việt Nam mrâo mkŏ mjing tŭ jing leh klei bi kƀĭn prŏng Đảng kluôm ala gưl 13. Boh nik, hlăm klei bi mguôp hŏng ala tač êngao, klei bi kƀĭn prŏng 13 bi klă Việt Nam srăng lŏ dơ̆ng jih ai tiê hlăm klei bi mguôp, čŏng pô tui tiŏ klei êđăp ênang, hgŭm mbĭt, lehanăn mđĭ kyar, bi mguôp lu tĭng, mtrŭn agha êlam hĭn čiăng bi kjăp klei bi mguôp dua nah hŏng djăp ƀĭng hgŭm, hlăm anăn mâo dŭm ala čar mơ̆ng phung khua bi ala mrâo hriê păn bruă./.

Pô mblang: Y-Khem Niê