VOV4.Êđê -  Aguah mbruê, ti Hà Nội, Anôk gĭt gai hdră bi kdơ̆ng hŏng klei ƀơ̆ng ngăn mkŏ mjing leh Klei bi kƀĭn hŏng klei kiă kriê mơ̆ng Khua gĭt gai Đảng, Khua lăn čar Nguyên Phú Trọng, Khua anôk bruă gĭt gai čiăng bi trông, brei klei blŭ gĭt gai, msir mghaih dŭm boh klei, dŭm bruă mâo Anôk bruă gĭt gai ktuê ksiêm mơ̆ng leh Klei bi kƀĭn tal 19 truh kơ ară anei. Kơ bruă klam hlăm wưng ti anăp, Khua gĭt gai Đảng, Khua lăn čar tŭ ư hŏng dŭm klei blŭ mơ̆ng phung khua hlăm Anôk bruă gĭt gai, mtă kơ dŭm gưl bruă Đảng, êpul bruă mtrŭt mđĭ hdră bi kdơ̆ng hŏng klei ƀơ̆ng ngăn mbĭt hŏng klei gĭr, đua klam bruă kđi čar prŏng hĭn, ngă bruă kjăp ktang hĭn, tŭ dưn hĭn; brei hluê ngă bruă hŏng klei gĭr ktưn nanao. Khua gĭt gai Đảng, Khua lăn čar mtă kơ dŭm anôk bruă tŭ mă klei blŭ mơ̆ng phung khua hlăm Anôk bruă gĭt gai čiăng thiăm mbŏ, bi leh klei hưn mthâo, đăo knang hŏng dŭm boh tŭ dưi mâo srăng mjing ai êwa mrâo, klei đăo knang mrâo lehanăn klei gĭr ktưn mrâo hlăm kluôm Đảng, jih jang mnuih ƀuôn sang čiăng ngă jăk hĭn hdră gang mkhư̆, bi kdơ̆ng hŏng klei ƀơ̆ng ngăn hlăm wưng ti anăp./.

H’Nêč pô mblang