VOV4.Êđê-  Hruê bruê (22/3) Khua gĭt gai Đảng, khua lăn čar Nguyễn Phú Trọng mâo klei blŭ hrăm hlăm êlan đĭng blŭ hŏng khua gĭt gai Đảng ƀuôn sang êngiê, khua knŭk kna Nhật bản Suga Yoshihide. Khua gĭt gai Đảng, khua lăn čar Nguyễn Phú Trọng mâo klei lač jăk kơ Đảng ƀuôn sang êngiê Nhật Bản mâo leh klei mâo leh klei hơêč hmưi kơ klei kƀĭn kluôm ala tal XIII, khua knŭk kna Nhật Bản Suga Yoshihide mâo leh klei blŭ hrăm hŏng ñu. Ñu mnă klă, hlăm mmông leh êgao klei êrô êbat Việt Nam - Nhật Bản ăt msĕ si  klei bi mjĕ Đảng cộng sản Việt Nam - Đảng ƀuôn sang êngiê Nhật Bản dôk nao kơ klei đĭ kyar.

Việt Nam yap ala čar Nhật Bản jing ala čar bi mguôp tal êlâo hĭn, sui thŭn, leh anăn mâo klei đăo knang kjăp, čiăng kơ jih dua tĭng srăng lŏ mđĭ klei bi mjĕ, bi mtuôm hlăm dŭm gưl bruă, hmăng hmưi kơ Nhật Bản srăn hrăm mbĭt hŏng ala čar Việt Nam leh anăn đru kơ ala čar Việt Nam dưi bi leh dŭm hdră êlan mâo leh čiăng mđĭ kyar bruă duh mkra- yang ƀuôn hlăm klei kƀĭn ala XIII ksiêm dlăng leh, mđĭ klei bi mguôp hlăm 2 bruă duh mkra ti 2 ala čar.

Pô mblang: Y-Khem Niê