VOV4.Êđê -  Hruê 5/4, Khua gĭt gai Đảng Nguyễn Phú Trọng, khua gĭt gai bruă Đảng gưl dlông ala čar drei mâo leh klei blŭ hrăm hlăm đĭng blŭ hŏng khua mil čhil ala čar Nga Vladimir Pu-tin. Khua mil čhil Nga mâo leh klei hơêč hmưi kyua klei dưi hlăm klei kƀĭn ala êpul bi ala tar ala čar tal XIII mơ̆ng Đảng Cộng sản Việt Nam, mâo klei blŭ hơêč hmưi kơ Nguyễn Phú Trọng dưi đĭ păn bruă ngă khua gĭt gai Đảng gưl dlông gưl XIII.

Dua čô khua gĭt gai 2 ala čar mñă klă, klei êrô êbat 2 ala čar Việt Nam - Nga mâo leh dŭm klei đĭ kyar siam hlăm jih jang bruă ngă, ti hruê mmông ti anăp 2 nah tĭng srăng mâo klei gĭr čiăng mtrŭt mjhar hlăm dŭm bruă klei êđăp ênang, bruă lĭng kahan, pui kmlă, êa pui čuh, bruă duh mkra, bruă mnia mblei, mtô hriăm, hiu čhưn ênguê, gang mhkư̆ klei ruă tưp Covid-19. Hlăm anăn mâo dŭm hdră êlan ba jao, đru hlăm klei ksiêm duah, mkra mjing vaccine gang mhkư̆ klei ruă Covid -19 leh anăn klei bi mguôp hlăm bruă Đảng.