VOV4.Êđê- Hmư̆ hing klei ruă tưp covid 19 ti Campuchia bluh đĭ, khua gĭt gai Đảng Nguyễn Phú Trọng mâo leh asăp čuă êmuh truh hŏng Samdeck Techo Hunsen Khua gt gai Đảng yang ƀuôn Campuchia, khua knŭk kna Campuchia. Bi ala kơ Đảng, knŭk kna, phung ƀuôn sang Việt Nam, Khua gĭt gai Đảng Nguyễn Phú trọng mơĭt truh kơ Hunsen, lehanăn phung khua kiă kriê Đảng Yang ƀuôn Campuchia, knŭk kna lehanăn phung ƀuôn sang Campuchia ai tiê klei khăp ayŏng adei sĭt suôr, hŏng klei čuă êmuh jih ai tiê kơ dŭm klei luič liê kyua klei ruă tưp covid 19 ngă leh ti Campuchia. Hŏng klei bi mguôp mâo leh mơ̆ng đưm, hŏng klei thâo bi đru plah wah dua Đảng, knŭk kna lehanăn phung ƀuôn sang dua ala čar. Việt nam mprăp nanao ai tiê kăp đru, đru hŏng ya mta klei dưi, čiăng hrăm mbĭt hŏng Campuchia mdrơ̆ng hŏng klei ruă tưp covid 19, čiăng kơ dua ala čar pral dưi bi hơĭt boh klei./.

Pô mblang: Y-Khem Niê